ISAIAH 20 - BAIBEL (BSI)

Tungkupu Aphikumsa Michi

¹ Asiriya lo akukatou Sargon no ahza tsukeu kiqi lono Asiriya ghushimi shou Atouno Filistiyami phughi Ashdod leke.

² Ampe kuthu zuuno AMPEU no Amuz nu Isaya vilo pa pukhu kuqho ikhive eno pano yeqhiye phi uakeu ikhivelo pipuake. Pano tipa tsa lupuzu aphi eno apukhu kumsano iqho iqiche.

³ Kughou Ashdod khasuluve keno, AMPEU no pike, “Iqeu Isaya ye aphi eno apukhu kumsano ampe kuthu iqhoiqi ake. Hiye Ijip ngo Sudan lau shini chekeu michi ke.

⁴ Asiriya lo akukatou no aghakhu hikuma lono akughumi khasulu keqo aphi kumsa sasu wu nani. Lhothemi na muchomi namu aphi eno apukhu kumsano cheu nani eno Ijip shikukujo ghi panoqo shibo nha tsumo nani.

⁵ Khunoqono Sudan eno Ijip pukhupe qheza acheni keno hauve nani, panoqono laju akeu kuboleve nani.

⁶ Tipa tsalalo, Filistiyami azu phivilo achekemino ishi pinani, ‘Asiriya kukatou launo nisusholupe nike ninguno pukhu achekemi lau kiu shive akeno julo! Ninguye kishi puzu poluni kya?’ ”