ISAIAH 12 - BAIBEL (BSI)

Shikimthi Le

¹ Timiqono ishi shipilini keu tsala lakhi ighi nani, “ino osheqhe ani O AMPEU! noye ilau aloghu ide ake ikemu itehiye nono ilokughunotsu eno ologhuye ilauno chevae.

² Alhou ye ixakuluu; niye pa pukhuni eno musaichivemo nani AMPEU no akuka eno akumto itsuke; paye ixakuluu

³ Azu kuxuno tughuthi akemi lo vepiqitsuke toi, Alhou wu timiqono alovike pano panoqo xalukelo.”

⁴ Timiqono ishi shipili nikeu tsala lakhi ighi nani, “AMPEU shikimthilo! Nongu kuphupenike pa kulo! Ashiayeh kumtsu vilo pano kiu shipuani keno pesu pilo! Panoqo vilo paye kiutoi kijekela pilo!

⁵ AMPEU shipililo kughengu pano thime kije shivetsuake. Ayeghiqha pelo sutsa kithe chilupelo.

⁶ Zion lo kughunakuami kumtsuno ighu iqha eno alephelo! Israilmi Lhou akimtheuye kijeke, eno paye pawu timi gholo acheni.”