BOTHUBO 36 - BAIBEL (BSI)

Esao lagha

¹ Hino Esao tiye Edom laghaqo.

² Esao no anipu Kanan limi lue, Hatimi Elon nga Ada, Havimi Zibeon nu Ana nga Oholibama,

³ Nebayot chepu Ismael nonga Basemat ishi lue.

⁴ Eno Ada no Elifaz punutsu, eno Basemat no Reuel punutsu,

⁵ eno Oholibama no Jeus ngo Yalam ngo Kora ishi punutsue. Anuli hipaqoye Esao no Kanan yeghilo ake lono lhokeqo.

⁶ Ike Esao no pa nipuqo ngo panu eno angaqo ngo pa kilo timi akemi kumtsu, eno atsu-aqu ngo kuakini khije Kanan yeghilo akelono hekutsulu keqo sasu pa thikuzuu Jakob launo ayeghi kutau wuve.

⁷ Pano wuvekeuye kutau ghenguno kumono panongu wu akinino kutsasa shive kehu kumtsa ngomla kepu shive, panonguno achekeu yeghi huye atsu-aqu kutomo shive kehu ngozulave.

⁸ Ikehu Esao ye Seir naghuto lo acheuve, paye Edom ke.

⁹ Hipaqoye Seir naghuto lo Edomiqo papu Esao laghaqoe.

¹⁰ Hipaqoye Esao nuliqo: Elifaz no Esao nipu Ada nu, Reuel no Esao nipu Basemat nu.

¹¹ Elifaz nuliqo no Teman, Omar, Zefo, Gaetam ngo Kenaz ishi.

¹² Timna ye Esao nu Elifaz nipu amshiu gholo lakhi, lino Amalek punutsu. Hipaqono Esao nipu Ada nuliqoke.

¹³ Hipaqono Reuel nuliqo: Nahat, Zena, Shamma ngo Miza ishi, hipaqoye Esao nipu Basemat nuliqoke.

¹⁴ Hipaqono Esao nipu Oholibama nuliqo. Liye Zibeon nu Ana nongae eno lino Jeus, Galam, Kora ishi punutsu.

¹⁵ Atomi hipaqoye Esao laghalomi. Esao nu anoghiu Elifaz nuliqono, Teman, Oman, Zefo, Kenaz,

¹⁶ Kora, Gatam, Amalek ishi. Atomi hipaqoye Edom yeghilo Elifaz launo ikoighikemiqo. Panonguye Esao nipu Ada nuliqoke.

¹⁷ Hipaqono Esao nu Reuel nuliqo: Nahat Zarah, Shamma, Miza ishi. Atomi hipaqoye Edom yeghilo Reuel launo ikoighikemiqoe. Panonguye Esao nipu Basemat nuliqo.

¹⁸ Hipaqono Esao nipu Oholibama nuliqo: Jeus, Galam, Kora, ishike. Atomi hipaqoye Ana nonga Esao nipu Oholibama no punukeqoe.

¹⁹ Hipaqono Esao nuliqo, paye Edommi ke, eno hipaqono panonguw atomiqoe.

Seir Tikughukomi

²⁰ Hipaqono Horimi Seir tikughukoqo, panonguye tipa yeghiqhalo kughuna chekemi. Lotan, Shobal, Zibeon, Ana,

²¹ Dishon, Etzer Dishan ngo ishi. Hipaqono Horimi atomiqo eno Edom yeghilo Seir nuliqo.

²² Lotan nuliqono Hori ngo Heman eno Timna no Lotan chepue.

²³ Shobal nulino hipaqo: Alvan, Manahat, Ebal, Shepo, Onam ngo ishike.

²⁴ Zibeon nulino hipaqo: Aia ngo Ana, Ana hipauno aghasalo papu Zibeon nowu gadaha kheche kelono azukulu puki ithulukeu huke.

²⁵ Ana nulino hipaqo: Dishon ngo Ana no nga Oholibama ngo ishi.

²⁶ Dishon nuliqono: Hemdan, Eshban, Ithran, Keran ngo ishike.

²⁷ Etzer nulino hipaqo: Bilhan, Zaayan, Aqan ngo ishi.

²⁸ Dishan nulino hipaqo: Uz ngo Aran.

²⁹ Hipaqono Horimi atomiqo: Lotan atou, Shobal, Zibeon, Ana,

³⁰ Dishon, Etzer eno Dishan ishike. Hipaqono Seir yeghilo Horimi pututa lagha kiqi lono atomiqoe.

Edom lo Kukami

³¹ Israilmi shou kukami kuha aphilo Edom yeghilo kukami hipaqono ayeh peke:

³² Beor nu Bela no Edom lo ayeh peke, pa phughi jeye Dinhaba ke.

³³ Bela thive kethiu Botzra no ghami Zerax nu Jobab no pa thelilo ayehpe.

³⁴ Jobab thive kethiu Teman noghami Husham no pa thelilo ayeh pe.

³⁵ Husham thive kethiu Bedad nu Hadad ti Muab ghakhu lono Midiami ghiqhikuluu huno pa thelilo ayeh pe. Pa phughi jeye Avit.

³⁶ Hadad thive kethiu Samla no Masreqa lono pa thelilo ayeh pe.

³⁷ Samla thive kethiu, Eufrati ghoki phivilo Rehobot lono Shaul no pa thelilo ayeh pe.

³⁸ Shaul thive kethiu Akbor nu Baal-Hanan no pa thelilo ayeh pe.

³⁹ Akbor nu Baal-Hanan thive kethiu Hadar no pa thelilo ayeh pe. Pa phughi jeye eno pa nipu jeye Mehetabel, liye Matred nonga ti Mezahab nonga.

⁴⁰ Hipaqono Esao tikughuko lono atomi ipeghikeqo jeke, pututa lagha eno a-a kiqi lono atomiqo je: Timna, Alva, Jetet,

⁴¹ Oholibama, Ela, Pinon,

⁴² Kenaz, Teman, Mibzar,

⁴³ Magdiel eno Iram. Hipaqoye Edom lo atomiqoke ike Esao no Edommiqo pasu, panongu yeghilo pututa shelo kughunawo keu kiqi lono ke.