BOTHUBO 10 - BAIBEL (BSI)

Noha Lagha

¹ Hipaqono Noha nuliqo laghae: Shem ngo Ham eno Jafet. Azuyimi thiu panonguno ati anuli punue.

² Jafet nuliqono Gomer, Magog, Madai, Javan, Tubal, Meshek eno Tiras ishike.

³ Eno Gomer nuli qoye Ashkenaz, Rifat, Togarma ngo ishie.

⁴ Javan nuliqono Elisha, Tarshish, Kitimi ngo Dodanimi ke.

⁵ Panonguye azughi philo eno zudoyeghilo kughuna kemi puasu ke. Hipaqono Jafet nuliqo, pututa yeghilo pututaw timi gholo, pututa tsa pi ghi xuchekeqo ke.

⁶ Ham nuliqono Kush Mizraim, Phut, Kanan ngo ishie.

⁷ Eno Kush nuliqono Seba, Havila, Sabta, Raama, Sabteka ngo ishie. Eno Raama nuliqono Sheba ngo Dedan ishie.

⁸ Ike Kush ye anu lakhi shie, pa je Nimrod, pano ayeghiqhalo ayehkipelo aghutomi atughiue.

⁹ Paye ayeghilo ashikuhami atoue, eno hi ghenguno timino ishi piche, “AMPEU zulo noye Nimrod toi ashihami atou lakhi shipeni.”

¹⁰ Nimrod kukaqha atughuloye Babel, Erek ngo Akad tiye Shinar yeghi tipaqo kumtsu Babilon lo ake.

¹¹ Tipa yeghi lono Ashur no wu puzu Ninive phughi ngo Rehobot phughi ngo Kala ngo

¹² eno Resen khikhi Ninive ngo Kala phughi kuma dolo akeu ngo ishi mlake.

¹³ Mizraim no hipaqo papuh, Ludmi, Anammi, Lehabmi Naftumi,

¹⁴ Patrusmi Kaslutmi eno Kaftormi. Kaftormi launo Filistiami ikoighi ke.

¹⁵ Kanan nu akichiu Sidon, eno Het ngo

¹⁶ Jebusimi, Amarimi, Girgashimi,

¹⁷ Havimi, Arqimi, Shinimi,

¹⁸ Arvadimi, Tsemarimi, Hamatmi ngo ishie. Eno tipathiuye Kananmi pututa shelo ikowove puzu

¹⁹ Kananmi yeghi lughi Sidon lono Gerar kudau Gaza kuto shive eno Sodom, Gomora, Adma, Zeboim ngo ishi kudauno Lasha kuto shive.

²⁰ Hipaqono Ham tikughuko, pututa shiayeh muqo eno pututa yeghilo kughuna ache, pututa muqo shi eno pututa shelo pano tsa piche.

²¹ Eno Ibri lagha puasu Shem, Jafet pamu ghi ati anuli shie.

²² Shem nuliqono Elam, Ashur, Arpakshad, Lud, Aram ngo ishie.

²³ Aram nuliqono Uz, Xul, Geter, Mash ngo ishie.

²⁴ Arapakshad no Shela papu eno Shela no Ibri papu.

²⁵ Ibri ye anu kini shie, lakhi jeno Peleg, kughengu pano xuacheke lono ayeghilo timiqo kijetha wove kehu. Pathikuzuu jeno Joktan.

²⁶ Joktan no hipaqo puasue. Almodad, Shelef, Hezarmavet,

²⁷ Hadoram, Uzal, Dikla,

²⁸ Obal, Abimael, Sheba,

²⁹ Ofir, Havila, Jobab ngo ishi.

³⁰ Panonguno achekeu yeghiqhaye Sefar kudau Mesha lono kipelau naghutoqo kutoe.

³¹ Hipaqono Shem tikughuko, pututa yeghilo kughuna ache, pututa muqo shi eno pututa shelo pano tsa piche.

³² Hikumtsu Noha nuliqo tikughuko ke, pututa shelo alagha eno ashiayeqo. Azuyimiveke thiu Noha nuli hipaqono ayeghilo ashiayeh kumtsu shi ghi kijetha ikowoke.