AKIKIHI 2 - BAIBEL (BSI)

Aghazu Kikithi

¹ Ampeu no asutsa hipau pe Muse ngo Aron pama mijetsu.

² Kughou Israilmino aghazu shikeno timi lakhikhino amichiphi pe aqomi kikije ghazu yezah qholo ngoni eno pa likhi pa limi michiphi tshuqhini. Aghazu huye Aphiki homxa shini.

^3-9 Kipela kudau khunono Juda michiphi kikije qholo anikeno pano ghazuye tipau loji sakipheu qholo hitoi shiwoni: Alagha Sakipheu Kikihi Juda Aminadab nu Nashon 74,600 Isakhar Zuar nu Nethanel 54,400 Zebulun Helon nu Eliab 57,400 Kuqhakelo: 186,400 Juda lojilo akeqo paghino alacheni.

Alagha Sakipheu Kikihi

^10-16 Apeu kudau khunono Ruben kikije michiphi qholo anikeno panongu ghazu aqo aqono panongu sakipheu gholo hitoi shiwoni: Alagha Sakipheu Kikihi Ruben Shedur nu Elizur 46,500 Simon Zurishadai nu 59,300 Gad Shelumiel Gad Deul nu Eliasaf 45,650 Kuqhakelo: 151,450 Ruben kikije no akiniu ngucho shi alacheni.

Alagha Sakipheu Kikihi

¹⁷ Tithiu,ngucho atughiu kini ngo athikhau ngucho kuma dolo Levi laghano Aphiki xapu alacheni. Kikije lakhikhino panonguno aghazu shike ghola kikithi lono alacheni, lakhi khino pututa shelo amichiphi qholo anikeza.

^18-24 Kulola kudau, khunoqono Efraim kikije michiphi qholo anikeno panoqomi gholo aghazu shini, panongu sakipheu qholono hitoi: Alagha Sakipheu Kikihi Efraim Amihud nu Elishama 40,500 Manase Pedazur nu Gamaliel 32,200 Benjamin Gideoni nu Abidan 35,400 Kuqhakelo: 108,100 Efraim kikije nguchono akuthuu shi alacheni.

Alagha Sakipheu Kikihi

^25-31 Ahuu kudau, khunoqono Dan kikije michiphi qholo ngonikeno panoqomi gholo aghazu shini,panongu sakiphemiqo qholo hitoishini: Alagha Sakipheu Kikihi Dan Amishadai nu Ahienzer 62,700 Asher Okhran nu Pagiel 41,500 Naftali Enan nu Ahira 53,400 Kuqhakelo: 157,600 Dan kikije nguchono ashekha shi alacheni.

Alagha Sakipheu Kikihi

³² Israilmi kikijelo aqo aqo kihikutsukelo 603,550 aghi.

³³ AMPEU no Muse ahza tsuke toi Levi laghaye kutami Israilmi gholo kakulo kihi sumove.

³⁴ Titoi Israilmiye AMPEU no kiu Muse vilo pikeno kumtsu shikupu. Panonguye aghazu shikelo pututa kikije michiphi qholo ngo eno pututa limi sasu ala che.