Zabuli 82 - Bibilia Ilagano Lya Kale 2015

Kūhang'wa kwa būlamuji wabūbi

Zabuli ya ng'wa Asafu.

¹ Ū Mulungu īmīīlile ng'wibità lya ba nguzu, akūlamūlaga ha gatī ya bamulungu.

² “A banhū abo batī batūngīlīja mukūbagunīja kūshisha nanalī? Na a babūbi mukūleka ū kūbalamula mu būtūngīlīja kūshisha nanalī?

³ Bagunījagi abo batī na būdūla, na babo batī na basaabo; ilang'hanagi ī ng'hana ū kū banhū abo bakwiboneelagwa, na a babo batī na sha kwigunanhīla.

⁴ Bapījagi abo batī na būdūla, na a bagayiwa bīnjagi ū mu nkono gwa bahunga.”

⁵ A benabo batamanile gete, batī na witegeleja bose bose, bakūlūbalūbaga dūhū mu giiti; kūnū pyī ī misingi ya sī īkūnegenaga.

⁶ “Nene nahayile gīkī, ‘A bing'we mulī bamulungu pye a bing'we mulī baana bakwe ūyo Alī Higūlya no.’

⁷ Alīyo nahene mukūcha gītī banhū dūhū; mukūgwa gīt'ūmo bakagwīlaga bataale bose.”

⁸ Būūkaga lūūlū, Ee Mulungu, Īlamulage ī sī; nguno pye a mahanga galī wingīji wako.