Zabuli 126 - Bibilia Ilagano Lya Kale 2015

Kūyega kūlwa shigongo sha ng'wa SEEBA

Lyīmbo ng'wikanza lya kūlamya.

¹ Ū SEEBA aho wabashosha Sayuni abo baalī baatwalwa nding'wa, tūkabiza gītī tūlī mu shilooti.

² Ī milomo yise īkookala seko, Ī ndīmi jise najo jūyīmba mīmbo ga būyegi; hūna ū mu mahanga būyiwīla gīkī, “Ū SEEBA wabīītīlile mihayo mitaale.”

³ Na ng'hana ū SEEBA watwītīlile mitaale, tūlī na būyegi no.

⁴ Ee SEEBA, bashoshage a banhū bise abo balī mu būsaamiwa, tūbize gītī myongo ng'witogolo lya Negevu.

⁵ Abo bakūbībaga kūnū būlīla shisoji, bakūgesa bakwīmbaga mīmbo ga būyegi.

⁶ Ū wa kūbūūcha mbīyū ja kūbība ūja akūlīlaga, ū mu magesa akūshoka abūkije mikīmba, akwīmbaga mīmbo ga būyegi.