Zabuli 125 - Bibilia Ilagano Lya Kale 2015

SEEBA nang'hani wa banhū bakwe

Lyīmbo ng'wikanza lya kūlamya.

¹ Abo bansanije SEEBA babange gītī lūgūlū lwa Sayuni, ūlo lūtīko kūtinginyiwa, alīyo lūkwikala ho kūshisha welelo bose.

² Ūmo ngūlū jīpīndīlīgije Yelusalemu, h'ūmo nū SEEBA abapīndīlīgije hose hose a banhū bakwe, kūfuma haha na kūshisha welelo bose.

³ Nguno ū nang'ha gwa banhū ba malofu, gūtikala gūsugile ū mu sī īyo bahelelilwe batūngīlīja, a batūngīlīja batizūgatūmamīla a makono gabo kwīta yabūbi.

⁴ Ee SEEBA, bīītīlage misoga a bawiza, a ba ng'holò jilī wīma.

⁵ Alīyo abo bakagalūkīlaga nzīla jichaamile, ū SEEBA akūbaponya hamò na bakenaagūji. Mhola ībize hamò na Isilaeli!