Zabuli 124 - Bibilia Ilagano Lya Kale 2015

Kūlūmba kūlwa būtindi

Lyīmbo lya ng'wa Daūdi, ng'wikanza lya kūlamya.

¹ Ū SEEBA ūlū atī kū lwandī lwise, ū Isilaeli ni ayombage,

² ū SEEBA ūlū ni walī atī kū lwandī lwise, aho banhū bakatūūbūkīla,

³ ū būpelanu wabo aho waabakaga gītī moto kūlwa nguno yise, ni baatūmila būlala tūlī bapanga.

⁴ Ī lihūūma ni lyatūpyagūla, ū būpanga wise ni waja na myongo ya minzī.

⁵ Mahuuli ga myongo ni gatūbītīla gūtūjaana.

⁶ Ū SEEBA akumīlījiwe ūyo atatūlekanīgije batūsaasagūle na mino gabo.

⁷ Twapūlūgūkile gītī noni mū ngono gwa bategi, ū ngono gwatandagūlilwe, nise tūpūlūgūka.

⁸ Ū būgunanhwa wise būlī mu lina lya ng'wa SEEBA, ū Meeja w'igūlū na sī.