Zabuli 1 - Bibilia Ilagano Lya Kale 2015

SHITABO SHA KWANDYA Zab 1–41 Mbango kū banhū ba ng'wa SEEBA

¹ Alī na lubango ūyo atashimīzīlaga mu nzīla ja bahūnga, nūūlū atīmīīlaga mu nzīla ja bakenaagūji, nūūlū atigashaga mu mahooya ga badalahi.

² Alīyo ayegelile shilagīlo sha ng'wa SEEBA, na akashiideedeng'hanyaga līīmi na būjikū.

³ Ū ng'wenūyo alī gītī ntī gūhambilwe hihi na myongo ya minzī, ūyo gūkatwajaga matwajo mu makanza gago, nī lidūūtū lyago lītanyaalaga; ū mu yose īyo akīītaga akīlūkīlagwa mbango.

⁴ A bakenaagūji batī gīko na hado yaya, a bene balī gītī meela ayo gakaheheejiagwa nyaga.

⁵ Hūna lūūlū, a bahūnga batūpīla ū ng'wikanza lya kūlamulwa, na a banhū ba shibi batūbizamo ū ng'wibità lya batūngīlīja.

⁶ Nguno ū SEEBA ajilang'hanile ī nzīla ja batūngīlīja, alīyo ī nzīla ja bakenaangūji jikūjimīīla.