Esita 10 - Bibilia Ilagano Lya Kale 2015

Būtaale na būdūla bo ng'wa Modekai

¹ Ū ntemi Ahasuelo ūbatūūlīla shilagīlo sha kūlīpa goodi a banhū ba mu būtemi bokwe, pye hose hose nū kū majinga nūūlū gabize galī kūle na ginehe.

² Pyī ī shītwa shakwe sha būdūla na nguzu shandīkilwe mu shitabo sha mihayo ya batemi ba Bamedi na Baajemi, nū būtaale bo ng'wa Modekai ūmo akangūngūhīja.

³ Nguno ū Modekai akabiza wa kabīlī ū kūfuma a halī ntemi ū ng'wikūjo; ū kū Bayudaya ūbiza nkūjiwa ntaale no, nīyo a badūgū bakwe bakang'winha ikūjo itaale no, nguno wītaga mihayo ya kūbagunanha a banhū b'ihanga lyakwe, na wafunyaga mihayo ya kūbenhela mhola a banhū bakwe.