Bahebrania 5 - Ilagano Ipya Lya

Nimo gwa ngabiji ntale

¹ Iki buli ngabiji ntale uwasolwa kufuma mu banhu utuulwa ho kuhva banhu mu mihayo ya kuli Mulungu, afunye sha kwinha na shitambo kuhva shibi:

² Uwadula kubachila kigongo batumana na bahubi, iki wei ngʼwenekele apindilwe na mabugokolo;

³ Na kulwa nguno iyo shingʼwdgelile kufunya kuhva ngʼwenekele shitambo sha shibi, gitumo ufunya kulwa banhu.

⁴ Na ati ho munhu wiyinha ngʼwenekele ikujo ili, aliyo uyo uwitanwa na Mulungu, giti Aroni.

Kristo usolwa na Mulungu kubiza ngabiji ntale

⁵ Giko hangi Kristo walatikumilija ngʼwenekele kubiza ngabiji ntale, aliyo Ngʼwenuyu uwali ulungalunga nanghwe giki, Bebe uli Ngʼwana wane, lelo nakubyalaga;

⁶ Gitumo uhaya hangi ngʼwipande lingi giki, Bebe uh ngabiji wa shiku jose wa mu mbika ya ngʼwa Melkizedeki.

⁷ U Wei mu shiku ijo aho walali mu mili, unomba na kungʼwikumbilija hamo na kulila kwa nguzu na shisoji Uyo uwali na budula kumpija mu kucha, na wali wigwiwa kulwa kogoha kwakwe,

⁸ Nulu ali Ngʼwana, nahene wali wiyiga bulyehu kulwa mihayo iyo wali uluhiwa;

⁹ Nanghwe aho waamala kushikanyiwa, ubiza mfumiilo ya bupiji wa welelo ku bose abungʼwigwa,

¹⁰ Wilikwa na Mulungu kubiza ngabiji ntale mu mbika ya ngʼwa Melkizedeki.

Abalukula run mihayo ya Mulungu bahugulwa

¹¹ U ngʼwenuyo tuli na mihayo mingi ya kunghaya, na milambu kufubolwa, iki muli na matu ga ndemakwigwa.

¹² Iki haha shingʼwigelile bingʼwe kubiza balangi, aliyo ibelile mukobelwe munhu kumulanga hangi wandijo wa kalangile ka mihayo ya Mulungu; ngʼwabiza abo gabigelile mabele aliyo shiliwa sha nguzu yaya.

¹³ Iki munhu ose uyo akatumamilaga mabele atamanile mhayo gwa butungilija; iki ali ngʼwelele.

¹⁴ Aliyo shiliwa sha nguzu shene sha banhu abakulile, abo masala gabo, kulwa kutumamilwa, gumanilijiwa kulekanya ya wiza na ya bubi.