Baefeso 3 - Ilagano Ipya Lya

Cha kwigeniha cha kwitanwa kwa bana mahanga

¹ Kulwa mhayo uyu nene Paulo, ntungwa wa ngʼwa Kristo Yesu kulwa nguno ya bingʼwe bana mahanga,

² Ulu nghana ngʼwamaia kwigwa mihayo ya kalongeje ka kigongo cha Mulungu, ako niinhiwa kulwa nguno yingʼwe;

³ Gitumo waanimanikija mu kukundula kwa cha kwigeniha iki, gitumo namala kwandika mu mihayo mido,

⁴ Muyo, aho ngʼusoma, ngʼwadula kumana kwitegeleja kwane mu cha! kwigeniha cha ngʼwa Kristo;

⁵ Icho chali kitumanichiwa mu shibyalilwe shingi ku bana ba banhu, gitumo chaakundulwa haha ku batungʼwa bakwe bela, na bahangi mu Moyo,

⁶ Giki, bana mahanga bah bingiji bichabo, na mabudika michabo ga mili, na bisangiji bichabo mu cha kwisagija chakwe muli Kristo Yesu mu nzila ya evangeli ya bupiji;

⁷ Iyo naagaluchiwa kubiza ngʼwinhilija wayo, gitumo cha kwinha umo kili cha kigongo cha Mulungu, icho niinhiwa gitumo katumamile ka budula wakwe umo kali.

⁸ Kuli nene, uyo ndi ndo kutinda ndo wa mu bela bose, niinhiwa kigongo cheniki giki, nabalomele bana mahanga busabi wa ngʼwa Kristo ubukilile kubugilijiwa;

⁹ Na kubamulikila banhu bose babone busangi umo buli wa cha kwigeniha, icho chali chubiswa kufuma kale muli Mulungu, Uyo waashisema shinhu shose muli Yesu Kristo,

¹⁰ Giki, haha mu nzila ya kanisa masala ga Mulungu ga mbika ningi gamanike ku mabutale na mabusugi agali mu kikalile ka ngʼwigulu,

¹¹ Gitumo kumalila kwa welelo umo kuli, uko waabeja muli Kristo Yesu, Seba wiswe;

¹² Muli Wei tuli na bugimu na nzila ya kwingila mu kusanya mu nzila ya kuzunya kwakwe.

¹³ Kulwa iyo nangʼwikumbilija giki, mutizugwa ngholo mu makuluniwa gane kulwa nguno yingʼwe, a gene ikujo lyingʼwe.

Bakristo balombelwa baguzuhiwe na budula bose via Moyo

¹⁴ Kulwa mhayo uyu natuja mazwi gane mu butongi wa ngʼwa Siswe,

¹⁵ Kufuma kuli Wei buli ludugu lose lwa ngʼwigulu na lwa ha si lulitanwa lina,

¹⁶ Giki, angʼwinhe bingʼwe gitumo busabi wa ikujo lyakwe umo buli, mu Moyo wakwe muguzuhiwe na budula muli munhu wa mugati;

¹⁷ Kristo azenge mu ngholo jingʼwe kulwa kuzunya, bingʼwe iki muli na miji na musingi mu butogwa,

¹⁸ Mubize ba nguzu ja kwitegeleja hamo na bela bose yeniyi giki, bugaligali na bulihu na bugunguhu na bushimu umo buli,

¹⁹ Hangi kumana butogwa wa ngʼwa Kristo ubukilile bumani; bingʼwe ngʼokajiwe kushika mu kokala kose kwa Mulungu.

²⁰ Haha kuli Uyo wadula kwita no no no kutinda iyo tukulombaga nulu kwiganika, gitumo buli budula ubo ubukutumamaga mu biswe,

²¹ Ikujo libize kuli Wei mu kanisa na muli Kristo Yesu kushika mu shibyalilwe sha welelo na welelo. Amina.