3 Yohana 1 - Ilagano Ipya Lya

Yohana unkumilija Gaio

¹ Namhala kuli ntogwa Gaio, uyo naan tog wa mu nghana.

² Ntogwa, nalomba giki, winhiwe lubango mu mihayo yose, na ubize na buzubuku wa gili, gitumo bupanga wako buli mu lubango.

³ Iki nakayega no, aho bakiza badugu bukanila nghana iyili mo muli bebe, gitumo ukushiminzilaga mu nghana.

⁴ Nati na buyegi bungi butale kukila ubu kwigwa giki, bana bane bakushiminzilaga mu nghana.

⁵ Ntogwa, ukwitaga mu wishigwa iyo yose ukubitilaga benabo abali badugu na bageni;

⁶ Nabo bakukanilaga butogwa wako ku butongi wa ba kanisa: ukwita chiza ulu ulabashindikila mu lugendo lwabo gitumo ikwigelile kwita kuli Mulungu:

⁷ Iki kulwa nguno ya lina lyakwe bali bubuka lugendo, batanukulile kinhu ku bana mahanga.

⁸ Kulwa iyo shitwigelile biswe kubegeleja banhu abali giko, tubize batumami bichabo mu kuyitumamila i nghana.

Diotrefe na Demetrio

⁹ Nali nubandikila ba kanisa: aliyo Diotrefe, uyo atogilwe kukujiwa mubo atutuzunilija biswe.

¹⁰ Kulwa iyo, ulu naliza ko, nalizukwa Shitwa shakwe isho akwitaga, akutusondagulaga mihayo ya bubi: nulu atagelelile giko duhu, wei ngʼwenekele atubegelejaga badugu, nulu aho abatogilwe kubegeleja na bene akubalemejaga, na ubapeja mu kanisa.

¹¹ Ntogwa, utizulondela i ya bubi, aliyo i ya wiza. Uyo akwitaga ya wiza ali wa Mulungu: aliyo uyo akwitaga ya bubi atamonile Mulungu.

¹² Demetrio waakanilwa na hanhu bose ali wa wiza, hangi na nghana mayo yunkanila chene, ali chene, na biswe twaakanila: nangho umanile giki, bukaniji wiswe wene wa nghana.

¹³ Nali ndi na mihayo mingi ya kukwandikila, aliyo natatogilwe kukwandikila na wino na kalamu ya wino:

¹⁴ Aliyo nisagilwa kukuboha wangu, huna tulalungalunga nomo ku nomo. Mhola ibize kuli bebe. Batogwa bichiswe bakugisha. Bagishage bichiswe buli munhu na lina lyakwe.