1 Batesalonike 3 - Ilagano Ipya Lya

Butogwa wa ngʼwa Paulo ku Bathesalonika

¹ Kulwa iyo aho twali tutudula kwiyumilija kutinda, tubona ili ya wiza kulekwa mu Athene twiyene;

² Tuntuma Timoteo ndugu wiswe na ntumami wa Mulungu mu evangeli ya ngʼwa Kristo, kumulambya na kumulunguja mu kuzunya kwingʼwe;

³ Munhu ose atizuyanganyiwa na kuluhiwa uku; iki bingʼwe benekele mumanile giki, twitegwa yeniyi.

⁴ Iki aho twali tuli ku bingʼwe, twali twandia kumuwila giki, tukubona kuluhaluhiwa gitumo nghana yali yubiza chene, ningʼwe mumanile.

⁵ Kulwa iyo nene aho nali natudula kwiyumilija hangi, nutuma namane kuzunya kwingʼwe ulu hamo ngemi waamala kumugema mu mhayo gose na milimo yiswe yubiza dalali.

⁶ Aliyo haha Timoteo washikile ku biswe kufuma ku bingʼwe na utwenhela nghulu ja wiza ja kuzunya kwingʼwe, na butogwa wingʼwe, na hangi giki, mukutwizukagwa gwa, mukukumbulaga kwibona na biswe, gitumo niswe tukumukumbulilaga kwibona ningʼwe;

⁷ Kulwa iyo, badugu, tulungujiwa kulwingʼwe ngʼwilundu lyiswe lyose na kuluhiwa kwiswe kose kuhva kuzunya kwingʼwe;

⁸ Ali haha lulu tutikala bapanga, ulu bingʼwe ngʼuhandikila muli Seba.

⁹ Iki kulumba ki twadula kungʼwinha Mulungu kulwa bingʼwe, kulwa buyegi bose ubo tulibuyegela kulwa nguno yingʼwe mu butongi wa Mulungu wiswe;

¹⁰ Tukulombaga no no no limi na bujiku, twibone bushu ku bushu, na kumushikanya mu iyo ngʼwagehelwa mu kuzunya kwingʼwe?

¹¹ Hambunyu Mulungu wiswe na Siswe ngʼwenekele, na Seba wiswe Yesu, atutonge nzila yiswe kushika ku bingʼwe:

¹² Na Seba angʼongeje hangi amukwigije kwitogwa benekele na benekele, na ku banhu bose, gitumo na biswe tukwitaga ku bingʼwe;

¹³ Amuhandikije ngholo jingʼwe, jibize jiti na kilingo mu wela mu butongi wa Mulungu Siswe, ngʼwikanza lya kwiza kwa Seba wiswe Yesu kihamo na bela bakwe bose.