Luke 18 - Shwe Palaung1 ဟောည်ႇဒီန် စဝ်ဖြားယေရှု ဒဲႈပုင်တဲႇ တတပဲ့တော်အ်ုန် ဘည်လိုတမှာန်းဆုတောန်ခိင် မည်ဒဲႈအ်ုန်တောပ်နောႈဇောႈ 2 “ခေဲင်ကီုင်းအူကီုင်း မိူဝ်ႈတားဘ္လံက်ချှာင်တြား အူအီး စဝ်ဖြားမာ် အာဝ်ယော၊ တေဲင်ကူန်ရဝ်မာဂါင်မာ် အာဝ်မိူဝ်ႈနောႈ ဆိင်တိူဝ်ႈကနေဲႈ။ 3 မိူဝ်ႈယာကမာည်းခေဲင်ကီုင်းဒီန် အူအီး ဂေါည်ဂေါည်က္လာင်း တားဘ္လံက်ချှာင်တြား ဒါလံပ်ဖြေင်ကဒိူဝ်ႈ ဘ္လဒဲႈခံင် အမှုအော။ 4 အခိင်မာ်ဟည်လှေင်ဒေဲႈ အ်ုန်ဘိူည်အာဝ်တိူဝ်ႈအရေးမာ် ‘အောနီန် စဝ်ဖြားမာ်အောအာဝ်ယော။ အောဘိူည်အာဝ်ဆမာတိူဝ်ႈအရေးတိုအီးရဝ်ဂါင်မာ် 5 ဂေါႇမိုႈယာကမာည်းနီန် ချှုက်ဇာဝ်းအောတောန်အခိင် ဆာ်အေဘ္လဒဲႈ အမှုအ်ုန်နီန် စီနံင်ဘိူန်းယာ့်။ ဆာ်ဘာည်းနီန် အ်ုန်စီနံင်ဇံင်းပ်ုန်မှာန်းအ်ုန်တအော အာဝ်ဂေါည်ဂေါည်ရောတ်ယာ့် တအော’ အ်ုန်တဂေန်းဒါႈဘည်နီန်။” 6 ဟောည်ႇဒီန် “တဂေန်းဆဲ့ပဲဒါ ဘည်အာန်းဘည်တဂေန်းဇေဝ် တားဘ္လံက်ချှာင်တြားနီန်။ 7 တာဘ္လံက်ချှာင်တြားနီန်လိူည် ဆာ်အ်ုန်ကဓေဒဲႈ တကဝ်အီဂေါည်ဂေါည်မှာန်း၊ ဟြာင်းတအ်ုန်ဒီန် ပဲထာင်လာ့် စဝ်ဖြားနံင်တီုတ်အခိင် ရဲ့လှေင် အာဝ်ပနိုက်ဒဲႈ တကဝ်အီမှာန်းဆုတောန်ဆိူမ်တောန်ညှာနီန်။ 8 အောနံင်က္လာင်းတပဲ၊ စဝ်ဖြားနံင်ပနိုက်ဒဲႈချာ်န်းချာ်န်း တဆုပ်ုန်မှာန်းပဲပည်ဒိုႇဒိုည်ႇ။ မိုႈလိူည် ခိင်နံင်စွရောတ်စာ်မ်းကောန်စဝ်ဖြား တေဲင်ကံမ်ဖာနီန် နံင်ယိူဝ်းလာ့်ဒေတိူရ်ႈ ကဲအီမိူဝ်ႈပ်ုန်ညှူမ်။” 9 ဟောည်ႇဒီန် စဝ်ဖြားဒဲႈပုင်တဲႇအူလှေ ကနာည်တိုအီး ဆမာထာင်တိုပြီမ်မြျံ တ် ပ်ုန်ဇောႈအီး 10 “မိူဝ်ႈဖာရိရှဲအူအီး ကာည်း ကညာကဲပ်ကောပ်အူအီး ဂါရ်ဟာဝ်းပကျောင်ဖြား ကနာည်နံင်မှာန်းဆု။ 11 ဖာရိရှဲဒီန် အ်ုန်ဇံင်းလာ်ဒါအူအီး မှာန်းဆု ‘အိုစဝ်ဖြား၊ အောအာဝ်မိူဝ်ႈမ လောဘဒါင်းဘာည်းအီး၊ ခံင်အာဝ်ဆီုဝ်အာဝ်ရိုမာ် အောအာဝ်ရေဲန်မ၊ ဆဲႈဒါႇအောအာဝ်လူည်ႇ တေဲင်ဘဝ်ရမာ၊ ဂေါႇမိုႈအောအာဝ်ဘာည်း တိုအီးကဲပ်ကောက်အီဇံင်း ပတွည်းတွည်းမာ် အောတာင်ကေးစူးဒါင်း တစဝ်ဖြားယာ့်။ 12 အောႎဲႈဟောမ် မှာန်းဆု အူနှားဒိူန်အာရ်ဆငည်း ရိူန်းလီပအော ပည်ဒိုႇဒိုည်ႇ ကိူရ်ပူန်အူပူန်မာ် အောလှူအူန်း တဗိမာန်တော်။’ 13 မိုႈလိူည် ကဝ်အီကဲပ်ကောက်ဒီန် စီဇံင်းဒါ ရာမ်ကဒိုင်းတတိုအီးကဲ ကာင်ဟာဝ်မာ် အာဝ်ယတိူရ်ႈ ရင်ဘတ်စည်တီးပြီး ‘အို စဝ်ဖြား၊ မှာန်းစဝ်ဖြား ကဓေဒဲႈဘိူဝ် ဂေါႇမိုႈ အီုင်ဂ္လံတ်ပ်ုန်ရေဲန်အောဂီုန်းဇာဝ်း။’ 14 င်ႎီရ်ရောတ်ဂါရ်ပဂါင် ကဝ်အီဘိူန်းပ်ုန် ပ္လိုတ်ခွါင်းစဝ်ဖြားနီန် အာဝ်မိုႈမဖာရိရှဲ စီမိုႈကဝ်အီကဲပ်ကောက်ဒီန်။ ကဝ်အီထာင်ဒါင်းတိုနီန် ဆမာကတူႈပဇောႈ ကဝ်အီပဇောႈတိုပြီမ်နီန် အ်ုန်ဆမားဘိူန်း ဘည်ယိူဝ်ႈဇာရ်။” |
This translation of the Shwe Palaung Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.