Luke 18 - Samtao1 ခမ်းခီးအန်းဖကျောင်းလားတိခွမ်ကျိုင်အမ်းတိမိုင်ကျိုင်းဟက်နမ်အွေန့်ကောတင်းပါဟက်ပြလေ့ကာကေခါတိ။ 2 မွန်းခါးလားတိဖကျောင်းတိတိုးပိုင်ကောနမ်ထိဟက်ကွေးခွမ်ထောင်းတပိုင်။ 3 တိမွန်အန်းကွေးအီးဗေ့ကွေးခါမယ်တပိုင်ဟိုင်းတိခွမ်ထောင်းဟက်အူးရောခါမာဟိုင်းမန်းအာဖိုင်ဟွင်နအွေန့်ကော။ 4 ဝေးလားလေးအေးဟဲ့ခွမ်ထောင်တပွန်ကောနမ့်တိဟက်ဖကျောင်းအူးကောလားခွမ်အေးကေကောနမ့်ထိ။ 5 အီးဗေ့တပိုင်အန်းနမ်အွေန့်ကောအေးစေးဝေးလားသပိုင်ကွယ်ဟဲ့အူးပိုရောခါမာထင်ကေ့ဟော့ဟက်ဟွင်ကောကျပ်ကျပ်တိလားအေးသအူးဟာ။ 6 ခမ်းခီးအန်းဖကျောင်းလားဟွင်စခါလီးတပိုငခွမ်ထောင်းအန်းပေးခိနဆာ။ 7 အားဟွင်ပိုရောခွမ်ထောင်းအန့်ပိုင်မန်းဟွင်တိုးမာသေပေါပိုင်မန်းကောကာတိနယ်ဖကျောင်းကောတိထင်ခါးဆိုးကောလားဟွင်တင်းပါးကောကာအာဖိုင်ဟက်အျေ့်လေ့ဟက်ဟွင်လားကောနော့်။ 8 အူ'လားသပေးအေးမန်းဖကျောင်းခါမာဖကျောင်းကောလားကာအေးလားဝေဝေဟေ့ဟက်တိလိုအေးဖကျောင်းလီတိနယ်အားကေလားယွန်းအန်းပိုညှိနော့်။ 9 ခမ်းခီးအန့်တိုးအေး/အေးကောထောင်းလေးပိုင်ဟက်အားအော်ပိုင်ကောထောင်းလေးကေကောနမ့်ထီ။ 10 နမ်အန်းကွေးဖာရိရှဲဟက်ခွမ်ဆေ့ပတ်တပိုင်ကောလားလဟိုင်းပိုတင်းပါးဟိုင်းတိနိုင်ထမ်။ 11 ဖာရိရဲတပိုင်ကိုးကွယ်ဟဲ့ဖကျောင်းအူးတိနယ်ဟော်တိထန်းဟားဟာ/အားဟာကျိုင်ကောရော/ခေါ်ကိုးကောဟော့တိလာအော့မွေးခမ်ဆေ့ပတ်အားအန်းတပိုင်ခေ့ဟာ။ 12 အူးနယ်တအားတိအိုင်းစာညှင်းကောဆွမ်းဟက်တင်းပါးအူးဆော့်ပိုပတ်အန်းကောသာတိဝက်ဟက်တင်းပါးလာနော့်။ 13 ခွမ်ဆေ့ပတ်တိအွေန့်ဆာငိုင်လေးပိုင်ဟက်တိမွန်ဖာကောနအူးတိနိုင်ဖိုးဟက်လားဖကျောင်းအူးရောခါမာညှက်အွန်းခါအာဖိုင်သအူးခေ့တင်းပါးလာနော့်။ 14 ကာအိုင်းပိုင်အေးဖျောင်းတိညာဟက်/ဖကျောင်းကာအာဖိုင်တိနယ်ကျိုင်ဖာရိရဲဟာပဲန်းခွမ်ဆစ်ပတ်ခွမ်ဟဲ့လားတိုးအေးညှက်လေးပိုင်ခိလာနော့်တိနယ်တိုသဲ့ဟက်တိုးအေးခိလာနော့်တိနယ်ခိယိုင်မိုင်ဆူး။ 15 ခွမ်အားအော်ပိုင်ခန့်ညော်ကေအန်းဆီးကာဖကျောင်းတွေတီးတေံဟက်ကော့ကေအေးတိတေဟက်ခွမ်ကျိုင်ကေညှိဟက်အားအွနန်း။ 16 ဖကျောင်းလားတိခန့်ညော်အေးကာကေအေးတိအူးဆာ/အမ်းတိဟမ်းတိကေအားလေအူးတိနယ်မွေးခန့်ညော်ကေဂျေ့မာနာ။ 17 အူးစီးလားခါညှိသပေးတိနယ်ပေးလပ်ခါးညော်အန့်တပိုင်ကောဟက်ပေးနယ်တိလားကျန့်လေ့မွန်းဖကျောင်းဟာ။ 18 တပေါ့်ခွမ်ဂျူးလူမျိုးတပိုင်လားတိဖကျောင်းခွမ်ညှက်။ 19 ဖကျောင်းလားမတ်ပေးလားအူးခွမိညှက်/စလေးအူးဟဲ့ကွေးမွန်ဟာ။ 20 ပညာအန်းပေးညန်ပေးနော်/နညာပိုရောဖားပိုဟမ်းခွမ်ပိုလာပိုခါကျူးနမ့်ထီးအီးပေါ်အီးမာ။ 21 ဟွင်ကောလားအူးနာမ်အက်ပညာအန်းကေကောညှက်ဟြ့ရောဟော့်ဟာ။ 22 ဟွင်လားလနော့်ဟက်ဖကျောင်းလားထင်မီကွေးကားပိုရောတိုးခါတိ/အားမီကွေးခါမာအန်းဖမ်းတက်အေ့ဟက်တအားကေခွမ်ဆေ့ခွမ်မိုင်အန်း/ရောလာနော့်တိနယ်ပေးပိုအွေန့်တိမွန်ခမ်ဟက်ပတ်စီးပေးကောလားကွေး/ခမ်းခီးအန်းရောခွမ်ကျိုင်အူးဟက်ပိုဟော့အူး။ 23 ခွမ်ဂျူးလူမျိုးကေအန့်ကွေးသဟက်ကေမန်းခါးလားဖကျောင်းဟက်အွေန့်ညှက်ဟက်အွေန့်မွန်။ 24 ညှိဟွင်ဖိုးညှက်ဟက်အွေန့်မွန်ဟက်ညှိဖကျောင်းလားအားကေကွေးတဟက်ကေလားလေ့ဖိုင်ဖကျောင်းတိနယ်ဆေံတ။ 25 ခွမ်ကွေးတ/တပိုင်ဆီးလေ့တိတနားဖကျောင်းဟက်မွန်းကာလော့တတိုး။ 26 အားကေမန်းကေလားလနော့်ခွမ်အေးတိုင်းတိဖကျောင်းခွမ်စီးရောလားပိုလေ့ဖိုင်မီတိနယ်။ 27 ဖကျောင်းလားအားပေးကျန်ရော်ကွေးခေ့/ဟော့ဟက်ဖကျောင်းကျန်ရောခါမာကွေးဟာ။ 28 ဟော့ဟက်မု့ပေတရုလားဖကျောင်းခါမယ်ခါမာအန်းအေးကေဗေ့တက်ဟက်ဟော့ခဲမီဂျေ့လားတိဖကျောင်းလာနော့်။ 29 ဖကျောင်းလားအူးလားသပေးခါးညှိတိနယ်/စီးလေ့ဖိုင်အူးတိနယ်ညာဟက်ဗေ့ဟက်အီးအိုင်းဟက်အန်းဟက်အီးမာအီးပေါ်ခန့်ညော်ဟက်ခါးကေတက်တိနယ်။ 30 မားနိင်းပိုအားညှက်ကောဟက်ဆားလာကိုးကောပိုအားညှက်အားငမ်ဟက်ကပ်ဆူးဟက်အေးကောလားပိုသေချာတိဆာ။ 31 ခမ်းခီးအန့်ဖကျောင်းကော့ခွမ်ကျိုင်ဟွင်ဆစ်ဆော်ပိုင်ကောအေးတိသဟွင်ဟက်လာညှက်ဆာ/မားနိင်းအေးလားဟိုင်းတိမွန်ဂျေရုဆလင်တိခါးဟက်ဂျေ့ဟက်ခွမ်အရိယာကေကောကေမွန်းဖကျောင်းဟက်သဲန်းအွန်းလားဖားဂျေ့။ 32 အေးလပ်ဟွင်တိမွန်ပိုင်သဲလား/ခါးကျူးဟွင်ဟက်စာ့ခါလီးဟွင်ဟက်ထွင်အိုးအဲဟွင်ခေးလား။ 33 ခမ်းခီးအန့်တောဟွင်ဟက်စခါလီးထင်ဟက်ဟမ်းထင်လား/ဟော့ဟက်အွိုင်းစညင်းဟွင်ကောပဲန်ကိုးမြောင်။ 34 ဟော့ဟက်ခွမ်ကျိုင်ဟွင်ဖကျောင်းလားးအွန်းခါမယ်ခါမာအန်းတဟွင်စမောအွန်းအားလေခါမယ်ခါမာအန်းကောခေါင်ကျိုင်းကျန့်မာနဲ့။ 35 ခမ်းခီးအန့်ဖကျောင်းဟက်ခွမ်ကျိုင်ဟွင်ဟိုင်းဖျောင်းတိမွန်ဂျေရိခေါဟက်ဖျောင်းနန်းကွေးခွမ်တပိုင်ကျန်ညှိငိုမ်းဟက်ငေါ်အွေန့်နန်း။ 36 ဟွင်မန်းခွမ်အေးတပိုင်ဟိုင်းပဲန်းခါမာဟက်တိုင်းကေ။ 37 ခွမ်အားအော်ပိုင်နာဇာရက်လားပဲန်းဖကျောင်းတေဟိုင်းဟက်လားထင်လနော့်။ 38 ဟော့ဟက်ဟွင်နယ်ပဲန်းခွမ်ဒါဝိဒ်ကွမ်းဖကျောင်း/ဝက်ဆာနာတိအူးခေ့လားဟွင်လာနော့်။ 39 ဟော့ဟက်ဟိုင်းမွန်းဖကျောင်းကေနယ်လားတိတင်အမ်းတိလာကိုင်ဟက်နယ်လားလပဲန်းဒါဝိဒ်ကွမ်းဖကျောင်းဝက်ဆာနာတိအူးခေ့လားစိမ်းလေတဓ 40 ဟော့ဟက်ဖကျောင်းလိုတိလူးဟက်လားတိကေကော့ဟွင်အေးနန်းဆာအေးဖျောင်းနန်းဟက်ဓ 41 ဖကျောင်းတိုင်းထင်အူးပိုရောကာခါမာတိမီဟွင်ကောလားဖကျောင်းအူးနယ်ကျန်ညှိငိုင်းဟလားထင်လာနော့်မြောင်။ 42 ဖကျောင်းလားငိုင်းမီအန်းညှိ/အားမီယွန်းအန်းကာမီအွေန့်ညှက်အွေန့်ငမ်အေံဂျေ့ 43 ဟွင်နယ်ငမ်းဟွင်ကောကျန်ညှိဟက်ဟွင်ကောမန်းမီမန်းမွန်မွေးဖကျောင်းဟက်တင်းပါးဟက်ကောလို့တိဟိုင်းဟော့ခဲ့ဖကျောင်း/ညှိခါမယ်ခါမန်းအန်းခွမ်အေးကေကောတမ်နားဖကျောင်းမန်းမီမန်းမွန်မန်းဟွင်။ |
This translation of the Samtao Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.