Luke 15 - Samtao1 တစိညင်းအားခွမ်ဆေ့ပက်ဟက်အားခွမ်ရောခါးညှက်ဟက်နာမ်ဖကျောက်လာခေါင်ညှက်ဟက်ကေကောအေးလာညှက်နဲ့။ 2 တနန်းခွမ်းတိုရှဲဟက်ဆလားလား၊ခွမ်အန်းနယ်ဟက်ရောခါးညှက်အွန်းကောမန်ဟွင်ပဲန်းပိုဆေပိုဟက်မကေဆွမ်ပဲန်းဟက်လာတိကေလာနော်။ 3 ဟော့ဟက်ဖကျောက်လားတိကေဟက်လားခေါင်ခါတိ 4 သပေးကွေးကပ်တပါးတိုးဟက်တိပါကပ်နန်းတတိုးလိုင်တိနယ်ယေ့ကျန်အေးထောင်ဆစ်ထောင်ဟိုးဟက်အားဟာဟိုင်တတိုးအန်တိနယ်ကျန်ယေဆောထိ။ 5 ဖော်ညိုဟက်တွေကပ်အန်းတိတိုဆာပါဟွင်ဟက်အေးတိညာ။ 6 အားကေအွန်ခေါညာအူးစော်ညိုကပ်အူးဟက်ပေးမန်မိမန်မွန်မန်းအူးတိ။ 7 အူးလားသပေး၊အားကေလားစိစိအန်းကေကောင်ဆစ်ကောင်ပိုင်အားကေရောခါးညက်အွန်းခိကေမြောင်ဟက်ပတ်အေးခါတိဖကျောက်ဟက်အေကောပိုအွေန်တိမွန်ခမ်ဟက်မန်မိမန်မွန်တိဆာ။ 8 ခမ်းခီးအန်းဖကျောက်ပြလေတိပါးခွမ်လေခါတိအိထောင်မိုင်ကွေးဒဂါးအစ်ဟက်ပိုင်ဟိုင်ခါတိဟက်ဟွင်တောတွေဖာဟက်စော်တိညာဟက်ဟွင်ညိုဟွင်တောတွေပစ်ဟက်ပျစ်စော်န။ 9 စော်ညိုဟက်လာတိခွမ်ညာခွမ်ရိုးကေအားအူးလိုင်စော်ညိုဟက်ကဲ့မန်းပိမန်မွန်မန်အူးဆော့။ 10 အူးလားသပေလာနော်တိဂျေ့မာနပြန်ခိမြောင်ဟက်ပတ်အေးခမ်းနားဖကျောက်တိနယ်ခွမ်တပိုင်ကောကျိုင်းအားဟွင်ပန်းခွမ်ကျိုင်ဖကျောက်နတ်ဒေဝါကောမန်မွန်။ 11 တိုးပေါဖကျောက်ပြလေ့ကေတိုးခါတိတပေါ့ခွမ်တပိုင်တွေကွမ်အားလာပေအိုင်ပိုင် 12 တစိညင်းအန်းဟွင်လာတိအီးပေါ်ဟွင်အိုပေါ်အားအူးကျန်ပိုခါမယ်ခါမာအန်ကောပဲန်းမယ်ဆာလာတိအီးပေါဟွင်ဟော်ဟက်အိးပေါဟွင်ကောမယ်ကာတိခွမ်တာပိုင်။ 13 တန်းပေးအန်းဟွင်အန်းကောတွေခါမယ်ခါမာဟိုင်တိမွန်ခါတိဟွင်နယ်ပတ်ကောကျန်ဗေ့တဟက်အွေန့်မွန်းခွမ်ညှက်။ 14 ခမ်ခီးအန်းပတ်ဟွင်ကောအေဟက်တိမွန်အန်းကောပိုင်တိကွေအိုးဟက်ခါးဆွမ်းခါပန်ကောတွေဟက်အားဟွင်လားပိုညိုကောကွေခါမာတိဆာ။ 15 ဟောဟက်ဟွင်ဟိုင်းမန်ရောကန်တိမွန်အန်းခွမ်တပိုင်ဟက်ဟွင်ကောကာဟွင်ဟိုင်ကောတိခေါလေ့။ 16 တနန်းဟွင်စိဆွမ်တဟက်လေ့ကောပိုဆွမ်းအူးမအူပိုဆွမ်လာလနော်ဟက်ကွေမွန်ကာဟွင်ဆွမ်းဟက်ဆွက်ထိုင်ဟွင်ကောပိုဆွမ်အူးလေတိ။ 17 ဆွတ်ထိုင်ဟွင်ဟိုခိဟွင်ကောအေးမြောင်တိညာအီပေါခွမ်ကျိုင်းကေကောကွေးအေးဟက်ကေနယ်ပိုဆွမ်းပဲန်းစတိခါမာဟက်ပိုအေ။ 18 အူးဖားနိင်ဟိုင်တိအိပေါ့်ဟက်အူးနယ်တိတမ်နားဖကျောက်ဟက်တမ်နားအါပေါ်ကောရောခါညက်အွန်း။ 19 တအူးအန်းတိလားခါပဲန်ကွမ်းမီဂျေ့။ခိမွန်ခွမ်ကျိုင်တပိုင်လားနော်ဟက်ခိအွန်ဟွင်တိဆာ။ 20 ဟော့ဟက်ကွမ်ဟွင်ပဲန်းအန်းလေးပိုင်ကောအေတိညာအိပေါ်ဟွင်မြောင်ပဲန်းအိးပေါ်ဟွင်ညိုကွမ်ဟွင်အေးတိပါးဆာကိုင်စက်ဆာနာထင်တိဆာ။ဟက်ဖောင်းဟိုင်းဟက်အေကျန်ဟွမ်ဟွင်တိဆာ။ 21 ကွမ်းဟွင်ကောလာတိအိပေါ်ဟွင်အူးနယ်တမီဟက်တိတမ်နားဖကျောက်ကောရောခါညက်အွန်း။အူးနယ်မွန်တိလားပဲန်းကွမ်အိးပေါ်တပိုင်ဂျေ့။ 22 ဟော့ဟက်အီးဖော်ဟွင်ကောခါခွမ်ကျိုင်ဟွင်အန်ကေတွေဖော်ခိုးဖော်ညက်ဟက်ကာဟွင်နွင်ဆာဟက်တိတိဟွင်ကောကာဟွင်ဆွတ်ခွေဆာဟက်ခါဟွင်ဆွတ်ခပ်စေဆာ 23 လားပွဲမွန်ကောဟန်းခါမောဟက်ကေပဲန်းစိအိုတုးဆာ။ 24 အားပဲန်ကွမ်းအူးဟွင်ဂျေ့ကောပန်းကိုးမြောင်ဟက်ဟွင်ဟိုင်ကောမာခိုင်ရှောပိညက်ကေနယ်ရောပွဲကာဟွင်တိဆာ။ 25 ဟောဟက်အိးအိုင်းဟွင်ဟိုင်တိကူးအေးဖျောင်တိခါဟက်မန်စေ'ဖေဟက်ညိုကေဖော်ဟက်မန်း၊ 26 ဟွင်နယ်ကောခွမ်ကျိုင်တပိုင်ဟက်တိုင်ရောလေခါမာ၊ 27 ခွမ်ကျိုင်ဟွင်ကောလားတိအန်းမီအေးဖျောင်တိညာဟက်အီးပေါ်ကောဟန်ခါမွောဟက်ရောပွဲခါမွန်မွန်ထင်ဟက်လားလနော်တိထင်တိတ။ 28 ဟော့ဟက်ပဲန်းအီအိုင်ဟွင်ကောငင်တဟက်လေတိညာဟက်ပန်အီပေါဟွင်ကောလီခါနော်ဟက်လာထင်၊ 29 ပဲန်းကွမ်ထောင်းဟွင်လာတိအိပေါ်ဟွင်အားမိလာခါမာဟက်အားဖိခွမ်အူးရောခါမာအူးကောရောမာအေ့ဟက်မာတေနိင်အူးစော်ထိုင်မိုင်မားပိုင်အေကောအိပေါ်နယ်အူးလားငေါ်ဆွမ်ပန်းပါစေဟက်ပဲတပိုးကောဟက်ခါမာကာလအူဆွေလိုတဟက်ဟောတိရောခါမာကာပွဲတအူးဟာ။ 30 ဟောဟက်အန်အူးအန်းတွေခါမယ်ခါမာအိပေါ်ဟိုင်အေဟက်ကာပိုင်အိပိုင်လားဟက်အေးတိညာဟက်အိးပေါ်ကောတွေခါမွေတတိုးဟက်ဟန်ဟက်ရောဆီးကာထင်လားတိအိးပေါ်ဟွင်လနော်။ 31 အီးပေါ်လားတိကွမ်ဟွင်မိနယ်အွေန့်မွန်အူးဟက်အူးကွေးခါမာခါမယ်ကောဟက်မီအေးဂျေ့မာနာ။ 32 ဟော့ဟက်အန်းမိကောဂျေ့ဟက်တိုးမြောင်ဟက်ဟိုင်းလိုင်းဟိုင်ကောမာနိင်ရှောညိုဟက်အေးပိုမန်းမိပန်မွန်ပန်းဟွင်ခေ။ |
This translation of the Samtao Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.