Jobo 25 - BIBELE

Biledade o re motho a ke ke a lokafatswa

¹ Jwale Biledade ya tswang Shua a araba, a re:

² “Puso le tshabo di tswa ho Modimo, ke mothei wa kgotso mahodimong a hae a hodimo.

³ Na mabotho a hae a ka balwa? Ke ofe ya sa tjhabelweng ke sedi la hae?

⁴ Motho a ka lokafatswa jwang mahlong a Modimo? Ya tswetsweng ke mosadi a ka hlweka jwang?

⁵ Haesita mahlong a hae kgwedi e se na kganya, naledi le tsona di se na bohlweki,

⁶ motho a ka loka jwang, yena e le popane, ya tswetsweng ke motho, yena e le seboko!”