Dipesaleme 93 - BIBELE

Morena ke kgosi

¹ Morena ke kgosi, o kgabile ka botlotlehi; matla ke seaparo sa hae le leqhama la hae. O tiisitse lefatshe, le ke ke la sisinyeha.

² Terone ya hao haesale e tiya ho tloha kgalekgale, haesale o le teng ho tloha mehleng ya kgalekgale.

³ Dinoka di a tlala, Morena, dinoka di a hwasa, dinoka di a duma.

⁴ O matla ho feta diaduma, diaduma tsa metsi a lewatle, o matla ho feta maqhubu a lona; Morena ya hodimodimo o matla.

⁵ Ditemoso tsa hao di tshepahala haholo; ntlo ya hao e tshwanelwa ke kgalalelo, kamehla le mehla, wena Morena.