Dipesaleme 82 - BIBELE

Modimo o ahlola baahlodi ba sa lokang

¹ Pesalema ya Asafo. Modimo o dutse lekgotleng la bomodimo, o ahlola a le hara baahlodi.

² O re: “Le tla ahlola ho fihlela neng, le ntse le ahlola hampe, le nne le emele ba kgopo?

³ Ahlolelang mofokodi ka toka, ahlolelang le kgutsana ka toka; etsetsang mohlophehi toka, le mohloki le mo etsetse yona.

⁴ Lopollang mofokodi le mofutsana, le ba namolele matsohong a ba kgopo.”

⁵ Ha ba na tsebo kapa kutlwisiso, ba itsamaela lefifing, ba sisinya metheo ya toka.

⁶ Ke ile ka re: “Le medimo, lona bohle le bana ba Ya Hodimodimo;

⁷ empa le tla shwa jwaloka batho, le we jwaloka kgosana efe kapa efe.”

⁸ Thusa, Modimo, o ahlole lefatshe, hobane ditjhaba tsohle ke tsa hao.