Dipesaleme 8 - BIBELE

Tlotla ya Modimo le boholo ba motho

¹ Pesalema ya Davida. Taelo ho motsamaisi wa dibini: E binwe ka ditolotolo.

² Morena, monga rona, lebitso la hao le tlotleha hakaakang, le tlotleha lefatsheng lohle! Kganya ya hao, e kahodimo ho mahodimo,

³ e bolelwa ka melomo ya bana le ya masea. O hahile qhobosheane ho thibela dira tsa hao, wa e haha ho sitisa sera le moiphetetsi.

⁴ Ha ke boha mahodimo a hao, mosebetsi wa diatla tsa hao, ke boha kgwedi le dinaledi tseo o di beileng madulong a tsona,

⁵ ebe motho e ne e le eng, hoo o ka mo hopolang? Ngwana motho e ne e le eng, hoo o ka mo hlokomelang?

⁶ O mo entse ya katlasana ho mangeloi, wa mo rwesa mofapahlooho, mofapahlooho wa tlotla, wa mo rwesa mofapahlooho, mofapahlooho wa hlompho.

⁷ O mo neile puso hodima mesebetsi ya diatla tsa hao, wa bea tsohle katlasa maoto a hae:

⁸ manku le makgomo wohle, le tsona diphoofolo tsa naha;

⁹ nonyana tse sepakapakeng, le ditlhapi ka lewatleng, le tsohle tse tsamayang ka lewatleng.

¹⁰ Morena, monga rona, lebitso la hao le a tlotleha, le tlotleha hakaakang lefatsheng lohle!