Dipesaleme 70 - BIBELE

Thapelo ya ho ikopela thuso ho Modimo

¹ Pesalema ya Davida, ya kgopotso, e qapetsweng motsamaisi wa dibini.

² Oho, Modimo, ako ntopolle; oho, Morena, ako potlakele ho nthusa.

³ Ba tsomileng bophelo ba ka ba ke ba hlajwe ke dihlong, ba ferekane; ba ntakaletsang bobe ba ke ba tjhetjhe, ba tlontlolohe.

⁴ Ba ke ba kgutliswe ke ho tlontloloha, bana ba reng ka nna: “Aha! Aha!”

⁵ Bohle ba o batlang ba ke ba nyakalle, ba o thabele. Ba ratang ho pholoswa ke wena ba nne ba re: “Modimo o moholo!”

⁶ Ha e le nna ke mohlophehi le mofutsana: Oho, Modimo, ako mpotlakele. Ke wena mothusi le molopolli wa ka; oho, Morena, se diehe.