Dipesaleme 7 - BIBELE

Thapelo ya motho ya batlang toka

¹ Kodi-ya-malla ya Davida eo a e binetseng Morena ka baka la mantswe a Kushe, Mobenjamine.

² Morena Modimo wa ka, ke tshabela ho wena, ke tshabela ho wena, ako mpholose, o nnamolele ho bohle ba ntlhorisang;

³ esere ba mphamola jwaloka tau, ba ntsekolla ho se ya nnamolelang.

⁴ Morena Modimo wa ka, haeba ke entse tsena: ha ke sebeditse bokgopo ka diatla tsa ka,

⁵ ha ke entse mothusi wa ka hampe, ha ke senyeditse sera sa ka ho se lebaka,

⁶ dira di ke di ntelekise, di ntshware, di ke di nkgatakelle fatshe, di mpolaye, di nkepele leroleng.

⁷ Thusa, Morena, o ntse o halefile! O tsohele dira tsa ka tse bohale, o di tsohele matla; tsoha Modimo wa ka, wena ya dihang kahlolo.

⁸ Phutheho ya ditjhaba e ke e o bokanele; wena o dule hodimodimo, o e okamele.

⁹ Morena o ahlola ditjhaba. Nkahlolele, Morena, ho ya ka ho loka ha ka, le ho ya ka ho hloka kodi ha ka.

¹⁰ Bobe ba ba kgopo bo ke bo fele, mme o tiise ba lokileng, wena ya hlahlobang moya le pelo, wena Modimo ya lokileng.

¹¹ Thebe ya ka ke Modimo, ya pholosang ba pelo di ntle.

¹² Modimo ke moahlodi ya lokileng, ya ahlolang kamehla yohle.

¹³ Ha motho a sa bake, Modimo o tla leotsa sabole ya hae, a hule seqha sa hae, a se tjhehe;

¹⁴ a lokise dibetsa tse bolayang, metsu ya hae a e etse ditsenene tse malakabe.

¹⁵ Bonang, e mobe o emola tse manyala, o emara bokgopo, mme o tswala thetso.

¹⁶ O tjhekile lemena, a le tebisa, a wela hona lemeneng leo a le tjhekileng.

¹⁷ O jelwe ke bokgopo ba hae, sehloho sa hae se mo wetse hodimo.

¹⁸ Ke boka Morena ka baka la toka ya hae, ke roka lebitso la Morena Ya Hodimodimo.