Dipesaleme 67 - BIBELE

Thapelo ya ho leboha kotulo

¹ Pesalema. Taelo ho motsamaisi wa dibini: E binwe ka diletsa tsa dikgwele. Sefela.

² Modimo ako re hauhele, o re hlohonolofatse, o re bontshe sefahleho, fahleho se kganyang kgotso.

³ Ditsela tsa hao di ke di tsejwe lefatsheng, ditjhaba tsohle di tsebe hore o a pholosa.

⁴ Ditjhaba di ke di o boke, wena Modimo, ditjhaba tsohle di o boke.

⁵ Merabe e ke e thabe, e etse ditlatse, hobane o ahlola ditjhaba ka toka; ke wena motsamaisi wa merabe lefatsheng.

⁶ Ditjhaba di ke di o boke, wena Modimo, ditjhaba tsohle di o boke.

⁷ Lefatshe le bile le tjhai e kgolo, Modimo, Modimo wa rona, o re hlohonolofaditse!

⁸ Modimo o re hlohonolofaditse, a tshajwe ke bohle lefatsheng, ho isa dipheletsong tsa lona.