Dipesaleme 64 - BIBELE

Tshireletso malemeng a ba kgopo

¹ Pesalema ya Davida, e qapetsweng motsamaisi wa dibini.

² Modimo, ako utlwe sello sa ka, sello sa ka sa masisapelo, o sireletse bophelo ba ka o bo sireletse ha sera se ntshosa.

³ Mpate hole le mokgatlo, mokgatlo wa ba etsang bobe, hole le sehlopha sa ba kgopo;

⁴ ba leotsang maleme a bona ba a leotsa sa disabole, ba hlabang ka mantswe a babang, mantswe a kang metsu.

⁵ Ba fula ya se nang kodi ba ipatile, ba mo fula ka tsometso ba se na letswalo.

⁶ Ba tiile morerong wa bona o mobe, ba rera ho tjheha maraba, ba re: “Re tla bonwa ke mang?”

⁷ Ba rera bokgopo, ba re: “Re lohile mano ka bohlale.” Mehopolo ya motho ke kweetsa, le pelo ya hae ke kweetsa.

⁸ Empa Modimo o ba fula ka metsu ya hae, o ba hlaba ka ho ba tsometsa.

⁹ Maleme a bona a a ba timetsa; bohle ba ba bonang ba sisinya dihlooho.

¹⁰ Jwale bohle ba tla tshaba, ba bolele mosebetsi wa Modimo, ba utlwisise ketso ya hae.

¹¹ Ya lokileng o tla thabela Morena, mme a tshabele ho yena; bohle ba pelo di ntle ba ithorise.