Dipesaleme 43 - BIBELE

Thapelo ya motho ya hlolohetsweng Modimo

¹ Modimo, ako nkahlolele, o emele nyewe ya ka, o ntshireletse ho batho bana, batho bana ba se nang mohau, o ntopolle ho motho ya thetsang, o ntopolle le ho ya bolotsana.

² Modimo, ke wena eo ke tshabelang ho wena; jwale o ntahletseng? Keng ha ke tsamaya ke hlomohile, ke hlomohile ka baka la kgatello ya sera?

³ Nthomelle lesedi la hao le nnete ya hao, di tle di ntsamaise, di mphihlise thabeng ya hao e halalelang, di mphihlise leahong la hao.

⁴ Ke tla fihla aletareng ya Modimo, ho Modimo ya nthabisang. Ke tla nyakalla, ke o boke ka harepa, wena Modimo, Modimo wa ka.

⁵ Moya wa ka, o nyahametseng? O hloretseng ka sefubeng sa ka? Tshepa Modimo. Ke sa tla nne ke mmoke, yena mopholosi wa ka le Modimo wa ka.