Dipesaleme 3 - BIBELE

Thapelo ya hoseng

¹ Pesalema ya Davida ha a baleha mora hae Abosalome.

² Morena, dira tsa ka di ngata hakaakang! Ba bangata ba ntsohelang matla,

³ ba bangata ba buang ka nna, ba re: “Modimo ha a na ho mo pholosa.”

⁴ Empa wena Morena, o thebe e ntshireletsang, o mpha seriti, o ntsosa molota.

⁵ Ha ke ipiletsa ho Morena, o nkaraba a le thabeng ya hae e halalelang.

⁶ Ke ye ke ithoballe, ke kgalehe, ke be ke itsohele, hobane Morena o na le nna.

⁷ Ha ke tshabe diketekete tsa batho tse ntikileng kamahohle.

⁸ Thusa, Morena! O mpholose, Modimo wa ka, wena ya jabelang dira tsa ka tsohle marameng, ya pshatlang mehlaare ya ba kgopo.

⁹ Pholoho e tswa ho Morena. Tlhohonolofatso ya hao e ke e be hodima setjhaba sa hao.