Dipesaleme 21 - BIBELE

Thapelo e lebohelang kgosi

¹ Pesalema ya Davida, e qapetsweng motsamaisi wa dibini.

² Kgosi e thabela matla a hao Morena, e nyakallela thuso ya hao hakaakang!

³ O e neile se ratwang ke pelo ya yona, ha o a ka wa e hanela kopo e tswang molomong wa yona.

⁴ O kgahlanyeditse kgosi ka mahlohonolo, wa e rwesa mofapahlooho wa kgauta e hlwekisitsweng.

⁵ E kopile bophelo ho wena, mme o e file bona, wa e ekeletsa ditshiu, kamehla le mehla.

⁶ Tlotla ya yona e kgolo ka thuso ya hao, o e apesitse kganya le hlompho.

⁷ O e neile mahlohonolo ho isa kgale, wa e thabisa haholo ka boteng ba hao.

⁸ Kgosi e tshepile Morena, ka baka la mohau wa Ya Hodimodimo, e ke ke ya sisinngwa.

⁹ Letsoho la hao, kgosi, le tla fihlela dira tsohle tsa hao, letsoho la hao le letona le tla fihlela bohle, bohle ba o hloileng;

¹⁰ hang ha o hlaha, o tla ba fedisa; o ba fedise eka ba ka seboping sa mollo. Morena o tla ba metsa ha a halefile, mollo o ba tjhese.

¹¹ O tla hlakola bana ba bona lefatsheng, le ditloholo tsa bona hara bana ba batho.

¹² Ha ba rera ho o etsetsa bobe, ha ba loha mano, ba ke ke ba atleha;

¹³ o tla etsa hore ba o supe ka direthe, o hule seqha sa hao ho ba fula.

¹⁴ Thusa, Morena, ka matla a hao! Re tla bina, re roke bonatla ba hao.