Dipesaleme 150 - BIBELE

Rorisang Morena

¹ Haleluja! Rorisang Morena a le sehalalelong sa hae, mo roriseng a le sebakeng sa hae se matla, baka sa hae sa lehodimo.

² Mo roriseng ka baka la diketso tsa bonatla ba hae, mo roriseng ka baka la boholo ba hae, boholo ba hae bo fetisisang.

³ Mo roriseng ka modumo wa lenaka, mo roriseng ka thomo le ka harepa.

⁴ Mo roriseng ka moropa le ka mohobelo, mo roriseng ka seletsa se dikgwele, le ka makodilo;

⁵ mo roriseng ka mangenengene a ketemanang, mo roriseng ka mangenengene a llang haholo.

⁶ Tsohle tse phelang di ke di rorise Morena. Haleluja!