Dipesaleme 149 - BIBELE

Sefela sa tlholo

¹ Haleluja! Binelang Morena sefela se setjha, le mo rorise phuthehong ya batshepuwa ba hae.

² Iseraele a ke a thabe, a thabele Mmopi wa hae, bana ba Sione ba nyakallele Kgosi ya bona.

³ Ba ke ba rorise lebitso la hae, ba le rorise ka mehobelo, ba mo roke ka moropa le ka harepa.

⁴ Morena o kgahlwa ke setjhaba sa hae, o tlotlisa bahlophehi ka ho ba pholosa.

⁵ Batshepuwa ba hae ba thabe, ba be motlotlo, ba mo etsetse ditlatse leha ba robetse.

⁶ Ba tumise Modimo ka melomo ya bona, ba ntse ba tshwere sabole, sabole e sehang kamahohle;

⁷ ba tle ba iphetetse ho baditjhaba, ba dihele kotlo hodima merabe;

⁸ ba tlame kgosi tsa yona ka mahlaahlela, le bahlomphehi ba yona ka diketane;

⁹ ba ba dihele kahlolo e seng e ngotswe. Ke bona he, boitumelo ba batshepuwa ba hae. Haleluja!