Dipesaleme 137 - BIBELE

Bathopuwa ba hopola Sione

¹ Mabopong a dinoka tsa Babilona, re ne re dutse re lla, ha re hopola Sione.

² Meduwaneng ya tsona re ne re fanyehile diharepa tsa rona.

³ Ke moo ba neng ba re hapile ba ileng ba re kopa hore re ba binele; batubi ba rona ba re kopa dipina tsa thabo, ba re: “Re bineleng difela tsa Sione!”

⁴ Re ka bina sefela sa Morena jwang, lefatsheng la baditjhaba?

⁵ Haeba nka o lebala, wena Jerusalema, letsoho la ka le letona le ke le shwe.

⁶ Leleme la ka le kgomarele mahalapeng a ka, haeba ke sa o hopole, ke sa thabele Jerusalema, ke sa e thabele ho feta tsohle.

⁷ Morena, ako hopole, ako hopole bana ba Edomo, mohla letsatsi la Jerusalema, ha ba ne ba re: “E heletseng, e heletseng, ho isa metheong ya yona!”

⁸ Wena motse wa Babilona, o seng o tla ripitlwa, ho lehlohonolo ya tla o buseletsa seo o re entseng sona.

⁹ Ho lehlohonolo ya tla nka masea a hao, a a pshatlanye hodima lefika.