Dipesaleme 129 - BIBELE

Thapelo e kopang ho hlola dira tsa Iseraele

¹ Sefela sa ho nyolohela Jerusalema. Haesale ba ntshwenya haholo ho tloha botjheng ba ka, Iseraele a ke a rialo,

² haesale ba ntshwenya haholo ho tloha botjheng ba ka, empa ha ba a ka ba ntlhola.

³ Balemi ba lemile mokokotlong wa ka, ba entse diforo tse telele.

⁴ Empa Morena o lokile, o kgaotse dikgwele tsa ba kgopo.

⁵ Bohle ba hloileng Sione ba ke ba hlajwe ke dihlong, ba tjhetjhiswe kasanthao.

⁶ Ba be jwaloka jwang bo marulelong a matlo, bo ponang pele bo ka fotholwa,

⁷ boo ho seng ya bo helang, ya ka tlatsang seatla sa hae ka bona, kapa ya tlamang mangata a a nka ka matsoho a hae.

⁸ Ba fetang ka tsela ba ke ke ba re ho bona: “Tlhohonolofatso ya Morena e ke e be le lona, re le hlohonolofatsa ka lebitso la Morena.”