Dipesaleme 128 - BIBELE

Lehlohonolo la ya tshabang Morena

¹ Sefela sa ho nyolohela Jerusalema. Ho lehlohonolo bohle, bohle ba tshabang Morena, ba tsamayang ditseleng tsa hae.

² O tla ja tholwana tsa mosebetsi, tsa mosebetsi wa matsoho a hao, o tla ba lehlononolo, o be le katleho.

³ Mosadi wa hao o tla ba jwaloka morara, morara o behang ka tlung ya hao; bana ba hao ba be jwaloka mahlomela, mahlomela a mohlwaare ho potapota tafole ya hao.

⁴ E, motho ya tshabang Morena o hlohonolofala jwalo.

⁵ Morena a ke a o hlohonolofatse, a o hlohonolofatse a le Sione, o tle o bohe katleho ya Jerusalema ka ditshiu tsohle tsa bophelo ba hao.

⁶ O ke o bone bana ba bana ba hao. Kgotso e ke e be teng Iseraele.