Dipesaleme 126 - BIBELE

Ho kgutla ha ba bothopuweng

¹ Sefela sa ho nyolohela Jerusalema. Ha Morena a kgutlisa batho ba Sione, a ba kgutlisa bothopuweng, e ne e ka re a lora.

² Yaba re keketeha ke ditsheho, maleme a rona a etsa ditlatse. Jwale hara ditjhaba ha thwe: “Morena o ba etseditse tse kgolo.”

³ E, Morena o re etseditse tse kgolo, ruri re thabile.

⁴ Morena, ako kgutlise ba habo rona, ba habo rona ba bothopuweng, ba kgutle sa melatswana e phallang, e phallelang Lehwatateng la Borwa.

⁵ Ba ileng ba jala ka dikgapha, ba tla kotula ka ditlatse.

⁶ Ya tsamayang a lla, a nkile peo e tla jalwa, o tla kgutla ka ditlatse, a nkile mangata a hae.