Dipesaleme 124 - BIBELE

Ho leboha thuso ya Morena

¹ Pesalema ya Davida. Sefela sa ho nyolohela Jerusalema. Hoja Morena a se ke a ba le rona, Iseraele a ke a rialo,

² hoja Morena a se ke a ba le rona, ha batho ba ne ba re tsohela matla,

³ ba ka be ba re kwentse re ntse re phela, ha kgalefo ya bona e ne e re tloketse;

⁴ dikgohola di ka be di re hohotse, diphororo di ka be di re pupeditse;

⁵ metsi a befileng a ka be a re pupeditse.

⁶ Ho bokwe Morena ya sa kang a lesa hore ba re je.

⁷ Re phonyohile jwaloka nonyana lerabeng la batshwasi; leraba la kgaoha, mme ra phonyoha.

⁸ Thuso ya rona e tswa ho Morena, ya entseng mahodimo le lefatshe.