Dipesaleme 122 - BIBELE

Motsamai o dumedisa Jerusalema

¹ Pesalema ya Davida. Sefela sa ho nyolohela Jerusalema. Ke ile ka thaba ha ho thwe ho nna: “A re yeng ka Tlung ya Morena.”

² Jwale maoto a rona a eme dikgorong, dikgorong tsa hao, Jerusalema.

³ Jerusalema e hahilwe e le motse, tsohle tsa wona di teteane hamonate.

⁴ Ke moo ho nyolohelang meloko, meloko yohle ya Morena, ka taelo e neilweng Iseraele, hore e yo boka lebitso la Morena.

⁵ Ke moo ditulo tsa kahlolo di leng teng, ditulo tsa ntlo ya Davida.

⁶ Rapellang Jerusalema e be le kgotso: “Ba o ratang ba ke ba atlehe.

⁷ Kgotso e ke e be kahara marako a hao, le katleho ka matlung a hao a bokgosi.”

⁸ Ka baka la baheso le metswalle ya ka, ke tla re: “Kgotso e ke e be le wena.”

⁹ Ka baka la Ntlo ya Morena, Morena Modimo wa rona, ke tla o kopela tse molemo.