Dipesaleme 121 - BIBELE

Morena ke molebedi wa hao

¹ Sefela sa ho nyolohela Jerusalema. Mahlo a ka a tadima dithabeng; ekaba thuso ya ka e tla tswa kae?

² Thuso ya ka e tswa ho Morena, ya entseng mahodimo le lefatshe.

³ A ke ke a tlohela leoto la hao, a le tlohella ho thella, molebedi wa hao a ke ke a otsela.

⁴ Ruri molebedi wa Iseraele ha a otsele, ha a kgalehe.

⁵ Morena ke molebedi wa hao, Morena ke moriti wa hao ka letsohong la hao le letona.

⁶ Tsatsi le ke ke la o ntsha kotsi motsheare, leha e le kgwedi bosiu.

⁷ Morena o tla o sireletsa, a o sireletse bobeng bohle, a baballe bophelo ba hao.

⁸ Morena o tla o lebela ha o eya le ha o kgutla, ho tloha jwale le kamehla yohle.