Dipesaleme 120 - BIBELE

Thapelo e kopang ho sireletswa ho ba bolotsana

¹ Sefela sa ho nyolohela Jerusalema. Ke ipiletsa ho Morena, ha ke le matshwenyehong, mme o a nkaraba.

² Morena, ako nnamolele molomong wa ya leshano, le lelemeng la ya thetsang.

³ Wena ya leleme le thetsang, o tla newa eng, o ekeletswe eng?

⁴ O tla newa metsu ya mohale, metsu e ntjhotjho, e tswang mashaleng a hlenneng, mashala a sehalahala.

⁵ Ho madimabe nna ka ho jaka Mesheke, ka ho aha hara ditente tsa Kedare.

⁶ Ke nako e telele haholo ke ahile hara ba hloileng kgotso.

⁷ Nna ke motho wa kgotso, empa ha ke bua ka kgotso, bona ba batla ntwa.