Dipesaleme 114 - BIBELE

Sefela sa Paseka

¹ Mohla Iseraele a tswang Egepeta, ba ntlo ya Jakobo ba tloha, ba tloha setjhabeng sesele,

² Juda ya eba sehalalelo sa Morena, Iseraele ya eba mmuso wa hae.

³ Lewatle ha le ba bona la baleha, Jorodane ya tjhetjha kasanthao.

⁴ Dithaba tsa thala jwaloka dipheleu, maralla jwaloka dikonyana.

⁵ Wena lewatle, o balehelang? Le wena Jorodane, o tjhetjhelang kasanthao?

⁶ Lona dithaba, keng ha le thala jwaloka dipheleu, le lona maralla, jwaloka dikonyana?

⁷ Wena lefatshe, thothomela, thothomela pela fahleho sa Morena, pela sefahleho sa Modimo wa Jakobo;

⁸ yena ya fetolang lefika letsha la metsi, lejwe la moralla a le fetole sediba.