Dipesaleme 113 - BIBELE

Rorisang Morena

¹ Haleluja! Lona bahlanka ba Morena, mo roriseng, le rorise lebitso la Morena.

² Ho bokwe lebitso la Morena, ho tloha jwale le kamehla yohle.

³ Ho tloha botjhabela ho isa bophirimela, ho roriswe lebitso la Morena.

⁴ Morena o phahametse tjhaba tsohle, tlotla ya hae e okametse mahodimo.

⁵ Ke mang ya kang Morena, Morena Modimo wa rona, ya dutseng teroneng, teroneng e hodimodimo,

⁶ empa a ikokobeletsa ho tadima mahodimo le lefatshe?

⁷ O tsosa mofutsana leroleng, a phahamise mohloki thotobolong;

⁸ a mo dudise le mahosana, le mahosana a setjhaba sa habo.

⁹ O fa nyopa lelapa, a e etse mma bana ya thabileng. Haleluja!