Dipesaleme 112 - BIBELE

Lehlohonolo la motho ya tshabang Morena

¹ Haleluja! Ho lehlohonolo ya tshabang Morena, ya thabelang melao ya hae haholo.

² Ditloholo tsa hae di tla ba matla lefatsheng, moloko wa ba pelo di ntle o tla hlohonolofala.

³ Menono le maruo di ka tlung ya hae, ho loka ha hae ho hlola kamehla yohle.

⁴ Ho ba pelo di ntle o ka lesedi le tjhabang lefifing; o mosa, o na le kutlwelobohloko, hape o lokile.

⁵ Ho lehlohonolo motho ya mosa, motho ya adimanang, ya sebetsang ditaba tsa hae ka toka.

⁶ A ke ke a sisinngwa le ka mohla, ya lokileng o tla nne a hopolwe, a hopolwe kamehla yohle.

⁷ A ke ke a tshoswa ke ho utlwa taba tse bohloko, pelo ya hae e matlafetse, o tshepile Morena;

⁸ pelo ya hae e tiile, ha a tshabe letho, o tella ba mo lwantshang.

⁹ O fana ka matsoho a mabedi, o fana ho mafutsana, ho loka ha hae ho hlola kamehla yohle, o tsoha molota, o a tlotleha.

¹⁰ Ya kgopo ha a bona hoo, o a tlallana, o tsikitlanya meno, o a monyela; takatso ya ya kgopo e tla fela.