Jobo 26 - Sesotho 1909/1961 (SO)

Jobo o boela a ikarabela.

¹ Jobo a fetola, a re:

² O thusitse hakaakang ya se nang matla! O tiisitse hakaakang letsoho le tepeletseng!

³ O eleditse hakaakang ya hlokang hlalefo, mme o boletse tsebo ya sebele hakaakang!

⁴ Taba tseo o di bolella mang? Ke moya wa mang o tswang molomong wa hao?

⁵ Diriti di thothomela katlasa metsi le ba ahileng ho wona.

⁶ Nqalo ya bafu e feela pela wona; ho wona bodiba ha bo na tshirelo.

⁷ O ne o ale boputswa ba leboya hodima sebaka se feela, wa fanyeha lefatshe hodima bodiba.

⁸ O thibela metsi marung a wona, mme maru ha a phatlohe ka boima ba wona.

⁹ O kwahela metheo ya terone ya wona, o e apesa ka maru a wona.

¹⁰ O dikadikeditse sebaka sa metsi ka sedikwadikwe, ho kgutla moo lesedi la arohanang le lefifi.

¹¹ Ditshiya tsa mahodimo di a tlakasela, di sisimoloha ka kgalemelo ya wona.

¹² Ka matla a wona a kokomosa lewatle, ka bohlale ba wona o kokobetsa ho phahama ha lona.

¹³ Pudulo ya wona e edisa mahodimo; letsoho la wona le hlaba drakone e lebelo. Bonang, tseo ke bokantle ba ditsela tsa wona;

¹⁴ ka ditsebe tsa rona re utlwa wewetso e nyenyane ya tsona. Empa seaduma sa matla a wona, ke mang ya ka se utlwang?