Dipesaleme 93 - Sesotho 1909/1961 (SO)

Terone ya Jehova e tiile.

¹ Jehova o a busa, o apere bokgabane; matla ke seaparo sa Jehova le senyepa sa hae; ka baka leo, lefatshe le tiile, le ke ke la sisinyeha.

² Terone ya hao e tiile esale mehleng ya kgale, o ntse o le teng le mehleng e hlokileng qalo.

³ Jehova, dikgohola di phahamisa, dikgohola di phahamisa lentswe la tsona, dikgohola di phahamisa medumo ya tsona.

⁴ Jehova o kgabane nqalong tse diphahameng, o okametse medumo ya metsi a mangata le maqhubu a matla a lewatle.

⁵ Bopaki ba hao bo tshepahala ho fetisa. Kgalalelo e tshwanela ntlo ya hao, Jehova, kamehla yohle.