Dipesaleme 87 - Sesotho 1909/1961 (SO)

Tswalo ya bobedi ya ditjhaba.

Pesaleme ya bana ba Kore. Sefela.

¹ Moaho wa hae o dithabeng tse halalelang;

² Jehova o rata menyako ya Sione ho fetisa meaho ya Jakobo kaofela.

³ Taba tsa kganya di boletswe hodima hao, motse wa Modimo. (Sela.)

⁴ Hara ba ntsebang ke tla bala Egepeta le Babilona; Filestia ke eo le Tire, le Ethiopia; di tswaletswe teng.

⁵ Bakeng sa Sione ho tla thwe: E mong le e mong o tswaletswe teng. Mookamedi ya phahameng ke yena ka sebele ya o tiisang.

⁶ Etlare ha Jehova a bala ditjhaba, o tla ngola, a re: Enwa o tswaletswe moo. (Sela.)

⁷ Dibini le dihobedi di tla re: Didiba tsohle tsa ka di ho wena.