Dipesaleme 76 - Sesotho 1909/1961 (SO)

Ho lebohuwa Modimo bakeng sa dikahlolo tsa wona.

Ho monga baphokodi. Ka tse tidinngwang. Pesaleme ya Asafe. Sefela.

¹ Modimo o tsejwa Juda, lebitso la wona le leholo hara Iseraele;

² tabernakele ya wona e Saleme, moaho wa wona o Sione.

³ Ke moo o robileng metsu e hadimang, le dithebe, le marumo, le dibetsa tsa ntwa. (Sela.)

⁴ O fetisa dithaba tsa mashodu ka kganya le ka bokgabane!

⁵ Bahale ba matla ba hlotswe, ba ithobaletse boroko ba bona; bahale ha ba ka ba tseba ho lwana ka matsoho a bona.

⁶ Ka tshokelo ya hao, Modimo wa Jakobo, makoloi hammoho le dipere tsa tshwarwa ke boroko bo boholo.

⁷ Wena, o a tshabeha. Ke mang ya ka emang pela hao, ha o qala ho halefa?

⁸ O boletse tsuo o le mahodimong; lefatshe la tshoha, la ba la kgutsa,

⁹ ha Modimo o tsoha ho ahlolela le ho boloka bahlomohi bohle ba lefatshe. (Sela.)

¹⁰ Kgalefo ya motho e tla o fetohela thoriso; ka kgalefo e setseng ho wena o tla itlama letheka.

¹¹ Ikaneng ho Jehova, Modimo wa lona, le ntoo mo lefela; ditjhaba tsohle tse kamathoko di ke di tlise dinyehelo ho Modimo o tshabehang.

¹² O rapalatsa boikgohomoso ba mahosana, a tshabeha ho marena a lefatshe.