Dipesaleme 70 - Sesotho 1909/1961 (SO)Thapelo ya mohloriswa. Ho monga baphokodi. Pesaleme ya Davida ya kgopotso. 1 Oho Modimo, o ke o mpoloke; Jehova, phakisa ho tla nthusa! 2 A ba ke ba apeswe ke dihlong, le ke maswabi, bona ba batlang bophelo ba ka! a ba ke ba suthe kasanthao ba tsielehile, bona bohle ba ratang tshenyeho ya ka! 3 A ba ke ba balehiswe ke dihlong tsa bona, bona ba reng: Ha! ha! 4 Bohle ba o batlang a ba ke ba thabe, ba nyakallele ho wena! Ba lakatsang poloko ya hao ba ke ba re kamehla: Modimo o ke o hodiswe! 5 Haele nna, ke mofumanehi le mosenyehi; Modimo, o mphakisetse! O thuso ya ka le mopholosi wa ka! Jehova, o se ke wa dieha! |
© Bible Society of South Africa 1961. Used with permission. All rights reserved.
Bible Society of South Africa