Dipesaleme 142 - Sesotho 1909/1961 (SO)

Thapelo ya motho ya tsietsing, ya lahilweng.

Sefela sa Davida, mohla a neng a le lehaheng. Thapelo.

¹ Ke bitsa ho Jehova ka lentswe la ka; ke rapela Jehova ka lentswe la ka la thapedisiso.

² Ke tshela modumaelo wa ka pela hae, ke mo beela tsieleho ya ka.

³ Yare ha moya wa ka o tepella ka ho nna, o tseba tsela ya ka. Ba ntjhehela mamena tseleng eo ke tsamayang ho yona.

⁴ Tadima ka ho le letona, mme o ele hloko; ha ke na motho ya ntsebang, ha ho moo nka balehelang teng, ha ho motho ya ntlhokomelang.

⁵ Jehova, ke nyolosetsa mehoo ya ka ho wena, ke re: O setshabelo sa ka, o kabelo ya ka lefatsheng la ba utlwang.

⁶ O mamele modumaelo wa ka, hobane ke hlomohile haholo; o ntopolle ho bahlorisi ba ka, hobane ba mpheta ka matla.

⁷ O ntshe moya wa ka teronkong, ke tle ke rorise lebitso la hao! Ba lokileng ba tla tla ho nteela hare, hobane o tla nketsetsa mohau.