Dipesaleme 141 - Sesotho 1909/1961 (SO)

Thapelo ya ka phirima mehleng ya tsietsi.

Pesaleme ya Davida.

¹ Jehova, ke bitsa ho wena, o phakise ho tla nthusa! o sekehele lentswe la ka tsebe, ha ke bitsa ho wena!

² Thapelo ya ka a e ke e nyolohele jwaloka dibano tse nkgang hamonate pela hao, le kemiso ya matsoho a ka e be jwaloka sehlabelo sa mantsiboya!

³ Jehova, bea selebedi pela molomo wa ka, o lebele monyako wa melomo ya ka!

⁴ O se ke wa leseletsa pelo ya ka ho sekamela bobe, ke se ke ka etsa tse mpe ka lonya le ba sebetsang bokgopo, ke se ke ka latswa menate ya bona.

⁵ Ya lokileng a ke a nkotle, ke molemo; a ke a ntaye, ke ole hloohong ya ka; hlooho ya ka e ke ke ya e hana, hobane le jwale ke tla bea thapelo ya ka mohla a leng tsietsing.

⁶ Ha babusi ba bona ba dihetswe dilomong, ke moo ba tlang ho utlwa ditaba tsa ka, hobane di molemo.

⁷ Masapo a rona a hasane molomong wa nqalo ya bafu, jwaloka lefatshe ha le lengwa, leha le phophothwa.

⁸ E, Jehova Morena, mahlo a ka a lelaletse ho wena, ke tshepile wena, o se ke wa lesa bophelo ba ka ho timela!

⁹ O ntwele mameneng ao ba njthekelang wona, le marabeng a ba bolotsana.

¹⁰ Ba babe ba ke ba wele marabeng a bona, ke tle ke be ke phonyohele ruri.