Dipesaleme 136 - Sesotho 1909/1961 (SO)

Ho roriswa mohau wa Modimo.

¹ Rorisang Jehova, hobane o molemo: Efela mohau wa hae ke o sa feleng.

² Rorisang Modimo wa medimo: Efela mohau wa hae ke o sa feleng.

³ Rorisang Morena wa marena: Efela mohau wa hae ke o sa feleng.

⁴ Yena a nnotshi ya entseng mehlolo e meholo: Efela mohau wa hae ke o sa feleng.

⁵ Ya entseng mahodimo ka kelello: Efela mohau wa hae ke o sa feleng.

⁶ Ya ahileng lefatshe kahodima metsi: Efela mohau wa hae ke o sa feleng.

⁷ Ya entseng masedi a maholo: Efela mohau wa hae ke o sa feleng.

⁸ Letsatsi ho busa motshehare: Efela mohau wa hae ke o sa feleng.

⁹ Kgwedi le dinaledi ho busa bosiu: Efela mohau wa hae ke o sa feleng.

¹⁰ Ya otlileng Baegepeta matsibolong a bona: Efela mohau wa hae ke o sa feleng.

¹¹ Mme a ntsha Iseraele teng: Efela mohau wa hae ke o sa feleng.

¹² Ka seatla se matla le ka letsoho le otlolohileng: Efela mohau wa hae ke o sa feleng.

¹³ Ya arohantseng Lewatle le Lefubedu ka lehare: Efela mohau wa hae ke o sa feleng.

¹⁴ A tshedisa Iseraele hara lona: Efela mohau wa hae ke o sa feleng.

¹⁵ Mme a dihela Faro le makgotla a hae Lewatleng le Lefubedu: Efela mohau wa hae ke o sa feleng.

¹⁶ A ba a haodisa setjhaba sa hae feelleng: Efela mohau wa hae ke o sa feleng.

¹⁷ A timeletsa marena a maholo: Efela mohau wa hae ke o sa feleng.

¹⁸ A bolaya marena a matla: Efela mohau wa hae ke o sa feleng.

¹⁹ Sihone, morena wa Baamore: Efela mohau wa hae ke o sa feleng.

²⁰ Le Oge, morena wa Bashane: Efela mohau wa hae ke o sa feleng.

²¹ A neela naha ya bona e be lefa: Efela mohau wa hae ke o sa feleng.

²² E be lefa la Iseraele, mohlanka wa hae: Efela mohau wa hae ke o sa feleng.

²³ Ya re hopotseng boikokobetsong ba rona: Efela mohau wa hae ke o sa feleng.

²⁴ Mme a re namolela ho batubi ba rona: Efela mohau wa hae ke o sa feleng.

²⁵ Ya fang dibopuwa tsohle dijo: Efela mohau wa hae ke o sa feleng.

²⁶ Rorisang Modimo wa mahodimo! Efela mohau wa hae ke o sa feleng.